‘GIPUZKOAKO KONPOSTA’

Kutxa Ekogunea eta GIPUZKOAKO KONPOSTAren artean sinatutako hitzarmenari esker, Sareko Baratze Parkeek konposta eskuratu dezakete doan. Baratzekideen Elkarteek konpostaren garraioaren kostea eta administrazio-gastuak jaso beharko dituzte soilik.

GIPUZKOAKO KONPOSTA ETA BARATZE PARKE SAREA: EKONOMIA BIRIBILERA IRISTEKO  BIDEAN

Erabilera desberdinetako ongarri natural bat sortu da gaur, baita praktika jasangarri eredu bat, Gipuzkoako etxetan sortutako hondar organikoak bereizteko esfortzuari esker.

Gipuzkoako etxetako hondar organikoek, inausketako hondakinekin nahastuta,  konpostatze-prozesua pasatzen dute, Gipuzkoako Konposta sortuz. Higienizatu eta egonkortutako produktua da Gipuzkoako Konposta, elementu patogenoak eta belar txarren hazirik gabekoa, A+ Kalitateko Konpost egiaztatua eta bidezko Sandach baimena duena.

Ongarri hau nekazaritzan, lorezaintzan eta obra zibilean erabiltzeaz gain, Europa mailan dagoen hiri-baratzeen Sare zabalenetako lurrak ongarriztatzeko ere erabiltzen ari gara, Kutxa Ekoguneak sustatutako Baratze Parke Sareko lurretan, alegia. Ondorioz, baratze hauetako lurrak Gipuzkoako Konposta ongarri gisa erabiltzerakoan, Gipuzkoako etxetan sortutako hondar organikoen zikloa ixten dugu, gure eguneroko platerak betetzeko barazki goxoak bihurtzen baititugu.

Gipuzkoako Konpostari buruzko informazio gehiago: http://www.ghk.eus

Eta konposta sortzeko era desberdinez gehiago ikasi nahi baduzu, Kutxa Ekoguneko Baratza Eskolan espero zaitugu: bisita gidatu bat eskatu dezakezu edo zure kabuz bisitatu ere. Informazio gehiago jaso nahi baduzu mezu bat bidali ezazu helbide honetara: bpszerbitzuak@ekogunea.eus


Babeslea

Konpost-eskaera egiteko

Mezu bat bidali behar da bpszerbitzuak@ekogunea.eus-ra, baratzekideen Elkartearen izenean, edo dagokion Udalaren izenean.

Informazio gehiago eskatzeko

Harremanetan jarri

Partekatu